miðvikudagur, 2. nóvember 2011

Eitt flippað

 
Takið eftir risa svaninum og fílnum. Svo er nú tjaldið voða skemmtilegt líka.
Myndin er héðan.

Lego

Allt hægt að gera úr lego!! Þessar myndir fann ég hér.


Ekta fyrir bíladellubörnin!

Myndin er héðan.

Landkönnuðir

Þetta herbergi er flott fyrir lítinn landkönnuð. Mér finnst þessi sófaróla alveg æði! Herbergið fyrir neðan er svona ævintýraherbergi. Það kemur skemmtilega út að hengja flugvélarnar í loftið. Sniðugt líka að hafa þessar dyr fyrir rúminu og án efa hægt að fela sig þar :) Efri myndin er héðan og neðri héðan.

sunnudagur, 18. september 2011

Rólur...

..eru ÆÐI! Því ekki að reyna að koma þeim fyrir innandyra. Ætti að reynast þeim auðvelt sem hafa nóg af plássi, hinir gætu kannski sett eina í hurðarop??

Myndin er af Freshome.

Grafískt

Hér er nóg að skoða fyrir litla krílið! Allskyns munstur og sterkir litir. Þetta herbergi gæti bara verið alveg eins fram á fullorðinsár, það þarf bara að skipta út rúminu. Mjög skemmtileg hugmynd finnst mér. Ef maður fær ekki fljótt leið á hlutunum gæti bara verið sniðugt að sleppa öllu barna dúlleríinu og velja frekar tímalaus listaverk á veggina og skemmtilegar litasamsetningar.

Myndin er af the Boo and the Boy.

þriðjudagur, 6. september 2011

Skilrúm

Þetta er sniðug hugmynd ef það þarf að skipta herbergi upp t.d. ef börn deila stóru herbergi. Það fer bæði ljós og loft þarna í gegn. Svo er alltaf hægt að mála þetta í öllum regnbogans litum :)

Myndin er héðan.

mánudagur, 5. september 2011

Elska...

..svona heimagerðar dúkkur og bangsa. Þessar eru náttúrulega alveg súper flottar. Vá hvað ég er hrifin! Svo ofboðslega vandaðar og fallegar :) Já vonandi gef ég mér einhverntíman tíma í að gera eitthvað þessu líkt!

Þessar myndir eru af síðunni Cloth and Thread, þar má sjá fleiri fína bangsa og dúkkur.

Náttúrulegt?

Mjög mínimalískt og náttúrulegir tónar í litavali. Mér finnst þetta koma einstaklega vel út en hugsa að þegar barnið eldist þá fari nú að verða erfiðara að halda plastdótinu og björtum litum í burtu. En þetta umhverfi er án efa róandi fyrir lítið kríli og mjög fallegt :)
Takið eftir litlu skýjahillunum á gólfinu. Hélt fyrst að þetta væru dúkkurúm en svo virðist sem þetta séu bókahillur. Sniðugt þar sem gólfpláss er ekki af skornum skammti. Svo er barnarúmið voða sniðugt líka!

Myndin er héðan.

Svo kósý

Mér finnst þetta voðalega fallegt herbergi. Litapallettan er skemmtileg og þrátt fyrir ólíka liti passar þetta allt saman. Það er líka passlega mikið dót sjáanlegt ;)

Myndin er af Milk Magazine og fannst á síðunni The Boo and the Boy.

föstudagur, 22. júlí 2011

Sniðugt fyrir börnin í flugið..

...eða bara hvar sem er. Þetta getur án efa haldið krílunum uppteknum í langan tíma. Þessa hugmynd fann ég á blogginu Oh Happy Day. Hún safnar að sér ýmsum skemmtilegum en ódýrum hlutum, pakkar þeim svo inn í pappír og geymir þar til þau eru komin í flugvélina. Vil samt benda á að fyrir yngri börn er kannski sniðugra að pakka dótinu t.d. inn í efnisbúta þar sem þau geta borðað pappírinn og já hafa auðvitað aðeins stærri hluti :) Dvd spilari, Ipod, Ipad og fleira getur einnig nýst vel til þess að dreifa huganum á ferðalögum. Gunna mælir með að hlusta á Söngævintýrið um Rauðhettu eftir Gylfa Ægis. Hún myndi helst vilja hafa það á repeat allan daginn!

Ferðalög með barnabílstóla

Jæja, sumarfríið mitt hálfnað og ég gleymdi alveg að skella þessu inn sem hugmynd fyrir þá sem ætla að kíkja til útlanda. Vonandi ekki of seint :) Efri græjan er Lilly Gold sit´n stroll og ég held þetta fáist nú bara í Ameríku eins og staðan er nú og við getum ekki notað hann því samkvæmt reglum þá eigum við ekki að nota stóla þaðan :(  En þetta kemur á endanum :)


Neðri myndirnar eru af græjum sem eru frá fyrirtæki sem heitir Go- Go babyz og er t.d. til á Amazon. Þetta eru kerrur sem settar eru undir bílstóla og breyta þeim þá í kerrur og eru mjög handhægar. Efri myndin sýnir kerru sem er með fjórum dekkjum og lítur úr fyrir að vera ágætist kerra fyrir ferðalög. Neðri myndin sýnir aðra týpu sem er bara svona næstum eins og grind undir töskur og maður getur bara skellt bílstólnum þar á og keyrt barninu um og notað þá bílstólinn eins og kerru t.d. á flugvöllum. Veit ekki hversu þægilegt það er að nota grindina á fleiri stöðum þar sem þetta er bara á tveimur hjólum. Svo er líka hægt að fá fyrir ungbarnastóla. Mér finnst þetta sniðug lausn fyrir ferðalög með börn á bílstólaaldrinum :)

þriðjudagur, 28. júní 2011

Fínt í herbergið

Það eru nokkrir hlutir hér sem vel er hægt að græja sjálfur. Perlu ,,gardínuna" er hægt að gera sjálfur. Hægt er að kaupa ótrúlega fallegar perlur t.d. í Tiger og Litir og föndur og svo bara þræða upp á band. Þessi gardína er líka með dúskum og það er vel hægt að festa þá á líka. Það þarf ekkert að þræða alveg allt bandið, hægt er að binda hnúta annað slagið til að halda þeim á sínum stað. Svo er t.d. hægt að hengja lengjurnar í króka eða bora göt í spýtu og þræða böndin í gegn og festa síðan spýtuna upp í loftið.
Svo er það púðinn á gólfinu, það er t.d. hægt að kaupa prjónaefni ef prjóna og hekl kunnáttan er í lágmarki. Þetta er frekar auðveldur saumaskapur og meira segja hægt að sauma saman með nál og tvinna. Svo er bara að skreyta með einhverjum fallegum dúllum og setja troð inní.

Myndin er héðan.

Röndótt

Ef maður á eitthvað erfitt með að velja liti í barnaherbergið er hægt að gera svona. Hafa það bara röndótt :) Ég held það gæti komið vel út að hafa ekki eins sterk skil á milli lita eða hafa tvo liti á sitthvorum endanum og tóna þá svo saman.

Myndirnar eru af Design Sponge.

mánudagur, 30. maí 2011

Fínt herbergi


Það er allt svo sætt í þessu herbergi. Sniðugt að hengja handbrúður upp á band sem skraut. Það er líka búið að setja veggfóður eða pappír inn í litlu hilluna á veggnum. Litlu skúffurnar í glugganum eru líklega veggfóðraðar líka eða kannski notaður þunnur pappír og veggfóðurslím (þá er sett veggfóðurslím undir, svo pappírinn og svo aftur veggfóðurslím yfir, að mig minnir ( líka gert með servíettum)). Veggfóðrið á veggnum er líka alveg yndislegt og passar alveg svakalega vel þarna inn. Held að það sé skemmtilegt að skoða og leika sér þarna.

Myndirnar eru héðan.

Flottar fánalengjur

Ég elska skreytingar fyrir veislur! Mér finnst þetta voða fallegt, soldið föndur að búa þetta til, en alveg þess virði. Þetta gerir einfalda veislu ævintýralega :) Ég á sko pottþétt eftir að prófa þetta við tækifæri! Það eina sem þarf eru pappírsafgangar, band og lím :)

Myndin er af Apartment Therapy.

Veggskraut - föndur

Endalaust hægt að skrifa um veggskraut! En svona fiðrildi er alveg hægt að gera sjálfur t.d. úr pappír eða filt efni. Auðveldasta leiðin til að gera svona er líklega bara úr kartoni, teikna þau, klippa út, brjóta síðan saman í miðjunni og skella svo á vegginn með kennaratyggjói. Börnin gætu skreytt þau. Svo er líka hægt að nota pípuhreinsara í miðjuna og í fálmarana. Bara að láta hugmyndaflugið ráða, endalausir möguleikar í þessu. Ég hef líka séð svona myndir í ramma þar sem notuð er svipuð aðferð, hér er t.d. ein mynd.

Myndin er af Marie Claire Maison.

Fuglahús á veggina?

Þetta er nokkuð skemmtilegt, tréið líklega bara málað á vegginn. Fyrir þá sem finnst þetta kannski fullmikið er t.d. hægt að gera útlínur af einföldu tréi og fá svo svona ofsa sætar smáhlutahillur frá Ferm Living til að hengja á greinarnar (neðri myndin) :)

Efri myndin er af Design Sponge.

Stílhreint herbergi f/4

Þetta er nú frekar lekkert finnst mér. Er farin að trúa að ég þurfi kannski ekki svo stóra íbúð/hús til að búa í ;) Reyndar þyrfti þá líklega annað herbergi fyrir allt það sem fylgir börnunum :) Þetta er samt fín hugmynd ef maður á mörg börn en fá herbergi!
Myndin er héðan.

sunnudagur, 15. maí 2011

Rómó gamaldags

Þessi tvö eru voða sæt. Sniðugt að nota trjágrein og efni og búa til himnasæng á rúmið, kemur skemmtilega út í þessu herbergi.

Myndirnar eru af Marie Claire Maison.

Facebook

Hellú, ef þið viljið sjá færslurnar á þessu bloggi (allskonar fyrir apaskott) á facebook þegar þær koma inn like-ið þá þessa síðu.

Myndin er af Baby Space.

Indjánaþema

Þetta er súper skemmtilegt. Alltaf gaman þegar fólk fer alla leið með þemað :) Ef þið viljið gera svona gætuð þið gert kaktusana þarna á bak við t.d. með því að nota þykkan pappa eða nota svona hilluplast eins og ég gerði þegar ég bjó til vegglímmiðana.
Það er líka hægt að búa til svona tjald sjálfur, hér og hér eru leiðbeiningar, hægt að finna ýmsar fleiri leiðbeiningar á netinu (googlið t.d. kids teepee DIY). Ég ætla að prófa að gera svona tjald í sumar :) Svo er meira að segja hægt að gera indjánagrímuna með pappa og gerviloðefni (klippt í lengjur og saumað saman). Bara nota ímyndunaraflið :)
Myndin er af héðan.

Rúm í tjaldi

Jæja, hvernig væri bara að kaupa soldið stórt tjald og setja rúmið inní. Gæti slegið í gegn. Gera svona útileguþema í herberginu :) Hafa vasaljós út um allt og eitthvað svona skemmtilegt. Það væri a.m.k. þess virði að gera það í einn dag allavega, held að það yrði mjög eftirminnilegt. Án efa gaman að sjá svipinn á barninu þegar það fer inn í herbergið :)
Myndin er héðan.

Ólíkir litir

Ég er mjög hrifin af litunum í þessu herbergi, ólíkir litir en tóna vel saman. Þeir Viddi og Bósi eru innblásturinn hér. Bósi ljósár stendur á náttborðinu, það er geimfar (púði) í rúminu og svo er bláa teppið á rúminu með myndum af þeim félögum. Viddi er í heiðurssætinu (á rúminu) og svo eru þarna tveir kúrekahattar, reipi, kúrekastígvél og ýmislegt annað sem tengist þeim Bósa og Vidda. Mér finnst þetta vel heppnað herbergi. Það hefur greinilega verið hugsað út í allt þarna.

Myndin er héðan.

Kærleiksbangsaæði!

Ókei, svo að það sé á hreinu myndi Gunna vera sjúk í þetta herbergi. Ef hún ætti herbergið væru bangsarnir allir í rúminu hennar! Hún fer sko að sofa með svona 20 bangsa á kvöldin :) Mér finnst þetta aðeins of mikið, væri til í að hafa nokkra en ekki alveg veggfóðra með þeim. Samt er þetta sniðug hugmynd fyrir þá sem eru að safna böngsum, pezköllum, lyklakippum o.s.frv. og vita ekkert hvað þeir eiga að gera við safnið. Gæti komið flott út. Prófið :)
Myndin er af héðan.

þriðjudagur, 10. maí 2011

Gult

Mér finnst gulur vera yndislegur litur í barnaherbergi, eitthvað svo bjartur og fallegur. Þetta gula veggfóður er frá Ferm Living og virðist vera alveg ótrúlega vinsælt. Mér finnst að það sem gerir þetta herbergi dálítið töff er Pikachu á veggnum :)

Myndin er héðan.

sunnudagur, 8. maí 2011

Plássið vel nýtt!

Þetta finnst mér alveg frábært. Rúm, skápur og leikhús allt í einu :) Ég fann þessa snilld á Marie Claire Maison.

Lítill leynistaður

Þetta er frá dönsku fyrirtæki sem hannar allskonar húsgögn og fleira fyrir börn og heitir Collect Furniture. Þar sem er hátt til lofts er mjög sniðugt að gera svona, þannig fær barnið auka rými í herbergið sem það getur notað sem svefnstað eða sem leynistað. Ég er persónulega spenntari fyrir því að nota þetta sem leynistað :) En það sniðuga við þetta er að undir stiganum eru hillur og svo er fataskápur við hliðina á hillunum. Með því að hafa þetta svona nýtist herbergið mun betur og það skapast stórt og skemmtilegt leikpláss.
Það er ýmislegt fleira sniðugt á síðunni hjá þeim og ég mæli með að þið kíkið, það sem ég er spenntust fyrir á síðunni þeirra er þetta, mér finnst þetta ÆÐI.

Svart rúm?

Þið sem fílið þetta gætuð kannski bara málað barnarúmið svart. Það myndi svo sannarlega setja sterkan svip á herbergið. Og svo þið sem eruð spennt fyrir óróanum, gerið hann bara sjálf með því að kaupa járnhring í næstu föndurbúð og binda svo allskonar lítið fallegt dót með fallegum borðum í hringinn. Það er líka hægt er að búa til pappírsfugla eins og ég talaði um í óróa blogginu um daginn og hengja í. Óendanlegir möguleikar í óróagerð!

Myndin er héðan.

miðvikudagur, 4. maí 2011

Segull

Fyrir þá sem það ekki vita er hægt að fá segul með lími öðru megin í flestum föndurbúðum. Það er sko hægt að gera ýmislegt sniðugt með segli. Hér til hliðar sjáið þið viðarstafi sem hægt er að setja á ísskáp (ef ykkur langar ekki í þessa venjulegu plaststafi). Það sem ég gerði var að bæsa þá (er líka hægt að mála, spreyja, lita..) og svo bara teiknaði ég eftir þeim á segulinn (svarta blaðið þarna á myndinni). Klippti svo stafinn út og límdi segulinn aftan á. Þá er það bara tilbúið! Það er líka sniðugt að nota svona þunnan segul (eins og ég notaði á stafina) aftan á myndir og hengja þær upp. Þá er einnig sniðugt að plasta þær áður svo það sé hægt að þurrka af þeim. Ég notaði aðeins þykkari segul til þess að hengja upp pezkallana á neðri myndinni, hvernig væri að skella pezsafninu á ísskápinn eða fá sér málmplötu og festa á vegginn og hengja þá þar :) Það eru sko alveg óendanlegir möguleikar. Held ég fari að skella málmplötum út um allt og hengja dót barnanna á þær, flottar myndir, hugsanlega bækur og bara allskonar :)

þriðjudagur, 3. maí 2011

Búið til fallegan óróa :)

Þennan fallega óróa er vel hægt að búa sjálfur til. Það sem þarf er falleg grein úr garðinum, nokkur blöð til að búa til fuglana (hér er myndband sem sýnir hvernig maður býr þá til). Band til að hengja fuglana í greinina og eitthvað til að hengja greinina í loftið (krók og vír eða band). Það er einnig hægt að spreyja greinina ef maður vill fá svona hvítan lit á hana eða einhvern annan lit. Svo getur maður gert skrautlengjuna sem hangir úr trénu með því að líma mislita hringi saman með band á milli eða þræða hringi á band eins og sýnt er hér. Það er einnig hægt að búa til hringina úr filt efni og sauma þá eins og sýnt er hér eða hekla eins og er sýnt hér. Minni bara á að með því að smella á myndina er hægt að stækka hana :)
Myndin er af Babyspace.

Svífandi hnettir

Fyrir þá sem vilja bæta hnöttum í barnaherbergið og hafa ekkert hillupláss eða vilja bara eitthvað öðruvísi þá er hægt að gera svona. Ég held það ætti að vera hægt að gera svona flugvéla óróa sjálfur með vír, sterku priki og borvél. Bora gat á flugvélarnar, setja í þær vír og festa þetta svo allt saman. Þetta er voða fallegt allt saman :) Vil samt vekja athygli á hvernig herbergið vinstra megin er málað, þar er loftið í aðeins dekkri tón en veggirnir, yfirleitt er það hinsegin eins og á myndinni til hægri. Það væri gaman að prófa að gera loftið aðeins dekkra. Hvaða áhrif ætli það myndi framkalla? Myndin til vinstri er að Spearmintbaby og hin er héðan.

Litir eða ekki litir

Á efri myndinni er margt skemmtilegt að sjá. Mér finnst t.d. kommóðan mjög skemmtileg :) Ég elska skúffur í mismunandi litum þá helst samt þegar þær eru ,,tónaðar" t.d. grænt útí gult eða bleikt útí hvítt. Það er samt alltaf gaman að blanda fallegum litum saman. Það eru ótrúlega margir litir í þessu herbergi en samt smellur þetta voða vel saman. Hilluna fyrir ofan rúmið er hægt að fá t.d í Ikea og svo bara málar maður hana í þeim lit sem hentar. Mér finnst koma vel út að setja bangsana í hilluna (sérstaklega þar sem hún er yfir rúmi). Landakortin eru síðan alltaf falleg í barnaherbergin. Á neðri myndinni gefa litirnir á veggnum svolítil þrívíddaráhrif sem mér þykir mjög flott, samt full grátt barnaherbergi fyrir minn smekk. Finnst það mætti vera fleiri litríkir munir til þess að vega upp á móti gráa litnum. Myndirnar: Efri er af Design Sponge og neðri af House to Home.

föstudagur, 29. apríl 2011

Svo sætt

Hér er allskonar krúttlegt. Mér finnst yndislegur gamli ruggustóllinn í horninu, voða kósý. Röndótti veggurinn kemur vel út og þetta bangsakrútt á veggnum er bara best. Mjög sniðugt að hengja bangsa á vegginn. Flest þarna inni sem við sjáum er nú bara svona nokkuð venjulegt en það að mála veggina röndótta, hengja krúttlegasta bangsann á vegginn og skella inn  ruggustól breytir þessu herbergi mikið.
 



Myndin er af Babyspace, kíkið þangað.

Tré með uglu

Hér eru tveir vegglímmiðar sem mér finnst mjög sætir. Hefði án efa spáð í þessum ef ég væri ekki búin að gera vegglímmiða sjálf, sjá hér. Hrikalega krúttlegir. Efri er frá RoomMates og neðri frá ForWalls.

miðvikudagur, 27. apríl 2011

Gamaldags veggfóður

Blóma- og gamaldags veggfóður geta komið mjög vel út í barnaherbergjum eins og sést hér á myndunum. Ég hefði nú ekki ímyndað mér að þetta væri flott en eftir að hafa fundið þessar myndir finnst mér þetta voða sætt :) Held að ég færi ekkert að fjárfesta í svona veggfóðri en ef það væri á vegg í einhverju herberginu myndi ég líklega bara láta það vera. Með réttu hlutunum verður þetta bara súper töff.
Efri myndin vinstra megin er héðan, sú hægra megin héðan. Neðsta myndin er héðan og sú næst neðsta er héðan.