Lego

Allt hægt að gera úr lego!! Þessar myndir fann ég hér.

Elska...

..svona heimagerðar dúkkur og bangsa. Þessar eru náttúrulega alveg súper flottar. Vá hvað ég er hrifin! Svo ofboðslega vandaðar og fallegar :) Já vonandi gef ég mér einhverntíman tíma í að gera eitthvað þessu líkt!

Þessar myndir eru af síðunni Cloth and Thread, þar má sjá fleiri fína bangsa og dúkkur.

Fínt í herbergið

Það eru nokkrir hlutir hér sem vel er hægt að græja sjálfur. Perlu ,,gardínuna" er hægt að gera sjálfur. Hægt er að kaupa ótrúlega fallegar perlur t.d. í Tiger og Litir og föndur og svo bara þræða upp á band. Þessi gardína er líka með dúskum og það er vel hægt að festa þá á líka. Það þarf ekkert að þræða alveg allt bandið, hægt er að binda hnúta annað slagið til að halda þeim á sínum stað. Svo er t.d. hægt að hengja lengjurnar í króka eða bora göt í spýtu og þræða böndin í gegn og festa síðan spýtuna upp í loftið.
Svo er það púðinn á gólfinu, það er t.d. hægt að kaupa prjónaefni ef prjóna og hekl kunnáttan er í lágmarki. Þetta er frekar auðveldur saumaskapur og meira segja hægt að sauma saman með nál og tvinna. Svo er bara að skreyta með einhverjum fallegum dúllum og setja troð inní.

Myndin er héðan.

Veggskraut - föndur

Endalaust hægt að skrifa um veggskraut! En svona fiðrildi er alveg hægt að gera sjálfur t.d. úr pappír eða filt efni. Auðveldasta leiðin til að gera svona er líklega bara úr kartoni, teikna þau, klippa út, brjóta síðan saman í miðjunni og skella svo á vegginn með kennaratyggjói. Börnin gætu skreytt þau. Svo er líka hægt að nota pípuhreinsara í miðjuna og í fálmarana. Bara að láta hugmyndaflugið ráða, endalausir möguleikar í þessu. Ég hef líka séð svona myndir í ramma þar sem notuð er svipuð aðferð, hér er t.d. ein mynd.

Myndin er af Marie Claire Maison.

Fuglahús á veggina?

Þetta er nokkuð skemmtilegt, tréið líklega bara málað á vegginn. Fyrir þá sem finnst þetta kannski fullmikið er t.d. hægt að gera útlínur af einföldu tréi og fá svo svona ofsa sætar smáhlutahillur frá Ferm Living til að hengja á greinarnar (neðri myndin) :)

Efri myndin er af Design Sponge.

Indjánaþema

Þetta er súper skemmtilegt. Alltaf gaman þegar fólk fer alla leið með þemað :) Ef þið viljið gera svona gætuð þið gert kaktusana þarna á bak við t.d. með því að nota þykkan pappa eða nota svona hilluplast eins og ég gerði þegar ég bjó til vegglímmiðana.
Það er líka hægt að búa til svona tjald sjálfur, hér og hér eru leiðbeiningar, hægt að finna ýmsar fleiri leiðbeiningar á netinu (googlið t.d. kids teepee DIY). Ég ætla að prófa að gera svona tjald í sumar :) Svo er meira að segja hægt að gera indjánagrímuna með pappa og gerviloðefni (klippt í lengjur og saumað saman). Bara nota ímyndunaraflið :)
Myndin er af héðan.

Svart rúm?

Þið sem fílið þetta gætuð kannski bara málað barnarúmið svart. Það myndi svo sannarlega setja sterkan svip á herbergið. Og svo þið sem eruð spennt fyrir óróanum, gerið hann bara sjálf með því að kaupa járnhring í næstu föndurbúð og binda svo allskonar lítið fallegt dót með fallegum borðum í hringinn. Það er líka hægt er að búa til pappírsfugla eins og ég talaði um í óróa blogginu um daginn og hengja í. Óendanlegir möguleikar í óróagerð!

Myndin er héðan.

Segull

Fyrir þá sem það ekki vita er hægt að fá segul með lími öðru megin í flestum föndurbúðum. Það er sko hægt að gera ýmislegt sniðugt með segli. Hér til hliðar sjáið þið viðarstafi sem hægt er að setja á ísskáp (ef ykkur langar ekki í þessa venjulegu plaststafi). Það sem ég gerði var að bæsa þá (er líka hægt að mála, spreyja, lita..) og svo bara teiknaði ég eftir þeim á segulinn (svarta blaðið þarna á myndinni). Klippti svo stafinn út og límdi segulinn aftan á. Þá er það bara tilbúið! Það er líka sniðugt að nota svona þunnan segul (eins og ég notaði á stafina) aftan á myndir og hengja þær upp. Þá er einnig sniðugt að plasta þær áður svo það sé hægt að þurrka af þeim. Ég notaði aðeins þykkari segul til þess að hengja upp pezkallana á neðri myndinni, hvernig væri að skella pezsafninu á ísskápinn eða fá sér málmplötu og festa á vegginn og hengja þá þar :) Það eru sko alveg óendanlegir möguleikar. Held ég fari að skella málmplötum út um allt og hengja dót barnanna á þær, flottar myndir, hugsanlega bækur og bara allskonar :)

Búið til fallegan óróa :)

Þennan fallega óróa er vel hægt að búa sjálfur til. Það sem þarf er falleg grein úr garðinum, nokkur blöð til að búa til fuglana (hér er myndband sem sýnir hvernig maður býr þá til). Band til að hengja fuglana í greinina og eitthvað til að hengja greinina í loftið (krók og vír eða band). Það er einnig hægt að spreyja greinina ef maður vill fá svona hvítan lit á hana eða einhvern annan lit. Svo getur maður gert skrautlengjuna sem hangir úr trénu með því að líma mislita hringi saman með band á milli eða þræða hringi á band eins og sýnt er hér. Það er einnig hægt að búa til hringina úr filt efni og sauma þá eins og sýnt er hér eða hekla eins og er sýnt hér. Minni bara á að með því að smella á myndina er hægt að stækka hana :)
Myndin er af Babyspace.

Á vegginn...

...er t.d. hægt að búa til skemmtilegar myndir með því að taka myndir af uppáhalds dótinu og svo er hægt að framkalla þær og ramma inn eða láta prenta á striga. Þegar Gunna var lítil tók ég einu sinni myndir af uppáhalds böngsunum hennar með dúkkusólgleraugu og það sló í gegn hjá henni, hún vildi alltaf fá að vera að skoða myndirnar í tölvunni. Hún hefði pottþétt verið ánægð með það ef ég hefði framkallað eina og skellt á vegginn :) Á myndinni í miðjunni í efri röðinni er búið að hengja upp litlar dúkkur, það er líka sniðugt að hengja dót/dúkkur/bangsa á vegginn og nota það sem veggskraut. Bara að raða þeim fallega og velja skemmtilega liti saman.
Myndirnar fann ég hér og ef ykkur langar að gera svona en vantar hugmyndir getið þið kíkt þangað því það er fullt af flottum myndum af dóti og dúkkum þar.

Pom Poms

Að búa til pom poms er mjög einfalt og það getur algjörlega breytt barnaherberginu (og fleiri herbergjum) að hengja nokkra upp í loftið eins og sýnt er á myndunum. Svo er líka gaman að nota þá í veislur, sem skraut á pakka og bara allskonar. Ég hugsa að það sé best að nota silkipappír og hann fæst í ýmsum bókabúðum. Leiðbeiningar til þess að búa til pom poms eru hér.  

Myndirnar : Efri myndin er af Lori Danelle, neðri myndin vinstra megin er af Bloesem Kids, myndin hægra megin er af Baby Space.

Stútfull...

...af allskonar sniðugu! Á myndinni til vinstri er t.d. búið að veggfóðra hurðirnar á veggskápnum eins og var líka gert í herberginu sem ég fjallaði um hér fyrir nokkrum dögum. Myndin fyrir ofan rúmið er líklega bara gerð úr efni sem strengt er á ramma og það er mjög auðvelt að gera sjálfur (bara heftibyssa, rammi og efni). Efnið lítur út eins og bútasaumsefni og þar er önnur hugmynd sem hægt er að nýta sér þ.e. gera bútasaumsmynd á vegginn í barnaherberginu. Pokarnir sem hanga á snögunum undir veggfóðraða skápnum eru tilvaldir ef maður vill skella sér í eitthvað auðvelt saumaverkefni (ekki verra að láta börnin teikna á þá líka). Í herberginu til hægri eru líka ýmsar hugmyndir t.d. myndin yfir rúminu, hana væri hægt að gera með börnunum. Það sem þarf er filtefni, strigi eða annað efni í grunninn, skæri og lím. Svo er bara að klippa út fígúrur líma þær á efnið og ramma inn. Já, gæti meira að segja orðið framtíðar erfðagripur :) Bókahilla eins og er fyrir ofan rúmið finnst mér líka mjög falleg og gott að geta séð bækurnar, en er persónulega ekki hrifin af því að hafa þetta yfir rúminu samt. Óróarnir/loftskrautið sem er í báðum herbergjum er líka mjög fallegt að mínu mati og ég held að það ætti ekki að vera neitt voða flókið að gera eitthvað álíka. Reyni að finna leiðbeiningar og skelli þeim hér inn ef ég rekst einhverntíman á þær. En annars vona ég bara að þið finnið eitthvað sem gæti nýst ykkur í að gera barnaherbergin sem fallegust.
Myndirnar eru af Ikea Family Live og úr Bolig Magasinet.

Afmæliskakan

Jæja, þetta er afrakstur þrotlausrar vinnu í eldhúsinu... djók. Nei þetta er úr afmæli Gunnu og er hugmynd fyrir þá sem nenna ekki eða geta ekki gert flóknar afmælistertur.  Það sem maður gerir er að finna nokkrar fínar myndir, prenta og klippa þær út, líma þær svo á blað með grillpinna á milli. Voila, ævintýraleg prinsessukaka!
Svo geta nú börnin tekið þátt í þessu þó mér finnist nú alltaf skemmtilegra að koma Gunnu á óvart með kökunni :)

Rúmteppi

Hér eru myndir af nokkrum einföldum rúmteppum og sum þeirra ættu ALLIR að geta gert! Mér finnst afskaplega fallegt og notalegt þegar barnarúm eru með prjónuðum eða hekluðum rúmteppum. Ég þarf greinilega að fara að nýta garn afgangana mína og gera eitthvað svona fallegt. Held að það eina sem skipti máli í svona er að velja litina vel saman. Eins og sést hér til hliðar skiptir það miklu máli. Mér finnst litavalið í gula rúminu passa mjög vel í þetta herbergi.

Myndirnar: Rúmteppið í gula rúminu er héðan, þríhyrningsrúmteppið héðan, röndótta rúmteppið er af Etsy en engin slóð fannst, minna kassarúmteppið er héðan og loks stóra kassarúmteppið héðan.

Íslenska stafrófið...

...plús C, Q, W og Z. Fannst að þeir stafir yrðu að vera með því maður verður jú að læra þá líka. En þessar stafrófs veggmyndir byrjaði ég á að gera í word, þ.e. skrifaði alla stafina, valdi það letur sem ég vildi hafa og litaði þá. Vistaði svo wordskjalið sem pdf og færði mig yfir í photoshop og smellti hinu inn þar. Þetta er voða auðvelt sko :) Það er náttúrulega samt alveg hægt að gera þetta bara í word eða bara í photoshop. Ég stefni á að gera svona mynd með letri sem ég bý til við tækifæri og kannski fleiri myndum. Það er þó ýmislegt annað stafrófstengt sem er framundan í föndrinu svo fleiri veggmyndir verða að bíða betri tíma. Ég sýni myndir af hinu stafrófsföndrinu mínu einhverntíman á næstu vikum.
Smellið á myndina ef þið viljið sjá hana stærri :)

Erfðagripur

Þetta er sængurver sem amma ein gerði fyrir barnabarn sitt en þar notaði hún myndir sem annað barnabarn hafði teiknað við vísuna. Mér finnst þetta alveg ótrúlega fallegt og vona bara að ég hafi dugnað til þess að gera svona fallegt einn daginn. Kannski bara þegar ég verð amma :) Það væri reyndar gaman að fá Gunnu til að teikna nokkrar teikningar við eitthvað uppáhalds lag og geyma og svo seinna láta Ingibjörn gera líka. Svo get ég gefið þeirra börnum sængurföt með teikningum foreldra sinna :)
Leiðbeiningar og fleiri myndir hér.

Afmæli!

Nú nálgast óðfluga afmæli Gunnu svo ég er búin að vera skoða ýmsar hugmyndir fyrir afmælisveislur. Hér eru tvær skemmtilegar!
Mér finnst sirkus veislan alveg frábær! Það eru fullt af fleiri myndum frá henni hér og þar er meira að segja hægt að prenta út ýmislegt sem tengist sirkus veislunni, ég er með þarna eina mynd af því sem hægt er að prenta út en það er miklu meira :) Þannig að maður þarf nú ekkert að teikna eða leita af myndum á netinu ;)

Risaeðluveislan er af sömu síðu en síðan heitir One Charming Party og þar eru fullt af hugmyndum! Ég vona innilega að annað barnanna eigi eftir að vilja risaeðlupartý einn daginn :) Held að það sé sko hægt að gera allskonar skemmtilegt með risaeðluþema! Vá hvað mig langar annars í þessa súkkulaðiköku!!!

Vegglímmiðar frh.

Jæja þá er búið að gera vegglímmiða á vegginn hennar Gunnu. Hann er nú bara eins og hinn þ.e. tré en langaði bara að sýna hann vegna þess að ég gerði öðruvísi fígúru á það. Gunna fékk íkorna og íkornabarn og líka flugdreka. Mér finnst þetta lífga mjög upp á herbergið og ég verð ægilega glöð þegar ég horfi á veggina :) Hér til hliðar eru myndir af báðum veggjunum. Smellið á myndina ef þið viljið sjá þetta stærra :)

Að búa til vegglímmiða

Ég gerði þetta tré með því að nota hilluplast (fæst í Teppabúðinni á Grensásvegi) og það er auðvelt að líma það á og auðvelt að taka það af!! Það eru til einhverjir litir af þessu plasti sem og viðaráferðir og krómáferð. Ég bjó til ugluna úr allskonar pappírsafgöngum sem ég átti og ákvað að gera svona fánalengju til þess að skreyta tréið ennþá meira (hún er líka úr pappír). Þetta allt tók alls ekki langan tíma, held ég hafi verið svona 20 mínútur að teikna tréið á plastið, klippa það út og líma það á vegginn :)
Myndirnar sýna vegginn fyrir og eftir og svo sýna neðri myndirnar svona soldið hvernig ég gerði þetta. Ef þið skellið ykkur í svona límmiðagerð passið ykkur þá á því að spegla það sem þið ætlið að gera því maður teiknar jú á bakhliðina :)

Ikea Hackers

Síðan sem ég fann þetta allt á heitir Ikea Hackers. Hún er í alvöru talað alveg frábær. Þar er fólk að deila því hvernig það breytir ýmsum Ikea vörum. Ótrúlega margar skemmtilegar hugmyndir!! En á þessum myndum hér til hliðar er búið að breyta rúmi í jeppa, bókahillu í dúkkuhús og nota vírinn með klemmunum til að sýna listaverk barnanna (og láta þau þorna). Það er sko margt margt fleira á síðunni svo endilega kíkið!!